​Qatiq

• 2015-10-06 17:08:41
• 0
• 0
• 13025
• 

Masalliqlar

• sut - 1 litr
• qatiq - 2-3 osh qoshiq
• slivki - 100-150 gr

Tayyorlash usuli

Tayyorlanishi:

Qatiqni hamma har xil uvitishi mumkin. kimdir sutni qaynatib tayyorlasa, kimdir qaynatmasdan ilitib tayyorlashadi. Biz qaynatilgan sutdan tayyorlash usulini qo‘llaymiz.

Sutni qaynatib olib, biron bir idishga quyasiz, sirli idish bo‘lsa yanada yaxshi, taxminan 5-10 daqiqa mobaynida sutni sovutiladi, lekin sut judayam sovib ketmasligi kerak, barmoqni sutga solib tekshirish mumkin, agar barmoq kuymaydigan darajada iliq bo‘lgan bo‘lsa, qatiqni sutni o‘rtasiga quying, odatda sut bir qaynab sovigach ustida qaymoqli qoplam hosil bo‘lib qoladi, o‘sha qoplamni imkon qadar buzib yubormaysiz va o‘rtasini teshib qatiqni o‘sha yerdan quyasiz va usti zich yopiladigan qopqoq bilan yopib, xona haroratida 8-10 soatga qoldiriladi.

So‘ngra muzlatgichga solib yana biroz tindirilsa, suvi chiqib ketmaydi, chiqqan taqdirda ham unchalik ko‘p chiqmaydi, ya'ni quyuladi.

Tayyor bo‘lgan qatiqni istasangiz taomga qo‘shing, istasangiz salatlarga yoki pishiriqlarga yoxud ichimliklar tayyorlashda foydalaning yoki bo‘lmasam o‘zini shundayligicha iste'mol qiling.

Bo’lishmoq