Ptiche moloko

Muallif: Karimova Diyora Baxtiyor qizi
Tayyorlash vaqti: 80 daq
Toifa: Pishiriq
Taomning kaloriyaliligi: 5249.77 ккал

2015-11-02 17:13:00
0
0
13075

Masalliqlar

un - 120 gr
shakar - 280 gr
sariyog' - 280 gr
tuxum - 2 dona
suv - 250 ml
quyultirilgan sut - 100 gr
qavartma - 0.5 choy qoshiq
shokolad plitkasi - 100 gr
qaymoq - 100 ml
tuxum oqi - 3 dona

Tayyorlash usuli

"Ptiche moloko\" (o'zbek tilida \"Qush suti\" yoki \"Anqoning urug'i\") Sovet Ittifoqi davrida eng mashhur tortlardan hisoblanib uni retsepti 1978 yilda Moskva shahridagi \"Praga\" restorani usta-qandolatchisi V. M. Guralnik tarafidan ihtiro qilingan. O'zbekistonda o'sha davrlarda bu tortni Zarafshon restorani qandolatchilik tsexidan navbatga turib harid qilsa bo'lar edi. Tort biskvit va uni ustiga quyilgan oppoq va mayin sufledan iborat. Sufle ustiga shokolad quyilib bezatiladi.

Masalliqlar:

1. Xamir: 80 gr shakar 80 gr sariyog' 2 ta tuxum 120 gr un 0.5 choy qoshiq razrxlitel vanilin

2. Sufle: 150 - 200 gr shakar 270 ml suv 1 choy qoshiq agar-agar 200 gr sariyog' 100 gr quyultirilgan sut (sgusheni. moloko)3 ta tuxum oqi pichoq uchida limon kislotasi

3. Shokoladli glazur: 100 gr qora shokolad 100 ml qaymoq

TAYYoRLANIShI:

1. Biskvit 1. Sariyog' bilan shakarni idishgi solib..

2.ko'pirtirib olamiz.

3. Tuxum qo'shib yaxshilab aralashtirishda davom etamiz.

4. Un, razrxlitel va vanilni aralashtirib turib uni ham tuxumli aralashmaga solamiz.

5. Pishiriq qog'oziga qolipni qo'yib turib aylana chizib olamiz.

6. Aylana ichiga xamirni solib 180 S darajagacha qizdirilgan duxovkada 10 daqiqa atrofida pishirib olamiz.

7. Qolipni chetini pishiriq qog'ozi yoki mahsus tselofan bilan o'rab chiqamiz va ichiga biskvitni solamiz.

2. Sufle

1. Sariyog' va quyultirilgan sutni idishga solib...

2. yaxshilab aralashtirib olamiz.

3. Alohida idishda qiyomni tayyorlashni boshlaymiz. Buning uchun shakar, suv va agar-agarni yaxshilab aralashtirib olib ovlovga qo'yamiz. Qiyomni 20 daqiqa ichida past olovda aralashtirib turib qaynatiladi.

4. Qiyom qaynayotgan vaqtda alohida idishda tuxum oqiga limon kislotasini qo'shib ko'pirtirishni boshlaymiz. Tuxum oqi yaxshilab ko'pirgach tayyor qiyomni ingichka qilib uning ustidan quymiz. Shunda tuxum oqini to'xtamastan aralashtirib turish kerak. Muhim: Qiyom 10 daqiqacha qaynab chiqqach tuxumni oqini ko'pirtirishni boshlasangiz ikkalovi ham bir vaqtning o'zida tayyor bo'ladi.

5. Qiyom solib bo'lgach yana 3 daqiqa ko'pirtiladi.

6. Tayyorlab qo'yilgan sariyog' va quyultirilgan sut aralashmasini ko'pirtirilgan tuxum oqiga solib qo'lda yaxshilab aralashtiramiz.

7. Tayyor bo'lgan sufleni qolipdagi biskvit ustiga quyib sovutgichga bir necha soatga qo'yamiz.

3. Shokoladli glazur:

Qaymoqni ilitib turib maydalangan shokoladni solib eritib olinadi. Muzlagan tortni qolipdan chiqarib, uning ustidan tayyor bo'lgan shokoladli glazurni quyamiz. Quyilgan glazurni pichoq yordamida tekislab olamiz.

Tort tayyor. Yoqimli ishtaha!

Teglar: bayram uchun yoqimli