Yormalarni pishirishga tayyorlash

Yormalar pishirishdan avval saralanib, oqlanmagan yoki bo'linmagan donalardan tashqari mahsulotlardan va moddalardan tozalanadi, elakda elanib maydasi ajratiladi.
Yormalarni pishirganda yopishqoq bo'lib qolishi va noxush mazasini yo'qotish uchun ularni yuvish kerak bo'ladi. Ayniqsa, yormalardan so'kda taxir maza bo'lganligi sababli ularni yaxshilab yuvish kerak.
Yormalar 2— 3 martadan suvi almashtirilib, so'k, guruch, arpa awal iliq, so'ng issiq suvda yuvilishi, suli esa faqat iliq suvda (1 kilogrammga 2—3 litr suv hisobida) yuvilishi kerak.
Grechixa yormasini (butun yoki bo'lingan holdagisi) yuvmaslik kerak, chunki yuvilgan yormadan tayyorlangan bo'tqa mazasi, quyuq-suyuqligi, xushxo'rlik darajasi, ko'rinishini yo'qotadi. Umumiy ovqatlanish korxonalariga bunday yormalar xom holda yoki gidrotermik (tez pishuvchi) ishlovdan o'tkazib keltiriladi. Gidrotermik ishlovdan o'tgan yorma tez pishish xususiyatiga ega bo'ladi.
Xom grechixa yormasi pishirishdan oldin qovuriladi, chunki qovurilgan yorma xushxo'r va tez pishuvchi xossaga ega bo'ladi. Tovaga 4 sm qalinlikda yorma solinib, 110—120°C li qovurish shkafida och qo'ng'ir ranggacha qovuriladi. Qovurish jarayonida yormani vaqti-vaqti bilan aralashtirish lozim.
Manna yormasidan donador bo'tqa tayyorlash kerak bo'lsa, awal protivenga solinib, och qo'ng'ir rangga kirguncha qovuriladi.

Bo’lishmoq