Tungi yuz parvarishining 8 qoidasi

Ko‘pchilikni yosh o‘tishi bilan yuzdagi ajinlari qiynay boshlaydi, Xo‘sh, yuz terisi mayin va chiroyli ko‘rinishga kelishi uchun uni qanday parvarishlash lozim?

1. Hech qachon makiyajni tozalanmasdan uyquga ketmang

Uyquga ketishdan oldin terini tozalamaslik juda zararli bo‘lib, allergik holatlarga olib kelishi hech gap emas. Tozalanmagan teri teshiklarning berkilib qolish, shishlar, qizarish va erta qarish jarayoni kabi salbiy oqibatlarga olib keladi. Masalan, Buyuk Britaniyada o‘tkazilgan tadqiqotlar natijasi shuni ko‘rsatdiki, aholining 60 % tungi pardoz vositalari tozalamay uyquga ketisharkan. Bunga sabab o‘rnida charchoq, vaqt tanqisligi va turmush o‘rtoqlarining ko‘ziga pardozsiz ko‘rinshlarini istashmas kabilarni aytishadi. Teri sog‘lom bo‘lishi uchun pardoz vositalaridan xoli ravishda orom olishi kerak.

2. Kunduzgi kremni tungisiga alishtirmang

Tunda teriga quyoshdan himoya, namlik va ozuqa zarur. Mushaklarni bo‘shashtiruvchi komponentlar bilan to‘yingan yoki boshqa ajralmas tarkibiy qismlari mavjud vositalar esa teri to‘qimalarini nafas olishi va tiklanishiga xalaqit beradi. A retinoli yoki ANA yuqori konsentratsiyasi tungi parvarish uchun foydali. Biroq undan kunduzi foydalanilsa, qichishish va teriga dog‘ tushish kabi salbiy holatlari yuz berishi mumkin.

3. Tungi parvarishni kechiktirmang

Tungi krem yoki tunda surtish uchun mo‘ljallangan kosmetik vositalar aynan kechki payt surtish uchun mo‘ljallangan. Kremlardan tashqari, go‘zallik uchun eng asosiy tarkibiy qism — bu uyqudir. Shuningdek, kosmetik vositalarni uyquga ketishdan 1 soat oldin surtish kerakligini ham yodingizdan ko‘tarmang.

4. Yodingizda tuting: haddan ziyod krem surtish salbiy natijalarga olib keladi

Keragidan ortiq surtilgan tungi krem shishlarga sabab bo‘ladi. Ortiqcha kremdan saqlanishning eng oddiy usuli — krem surtilgandan 10-15 daqiqa keyin uni salfetka yordamida artib tashlang.

“Ilmiy tekshirish natijalari shuni ko‘rsatadikui, chuqur uyqu vaqti teri hujayralari sakkiz barobar faolroq taqsimlanar ekan, shunday ekan, uyqu sifati qancha yuqori bo‘lsa, terinining qarish jarayoni ham shuncha sekinlashadi!”

5. Tungi kremsiz parvarish

25 yoshdan keyin ayollar yuzlariga tungi krem surtishlari maqsadga muvofiq, albatta, yog‘li yuz terisi sohibalari bundan mustasnodir.

Ko‘pgina dermatologlarning fikriga ko‘ra 25 yoshgacha tungi kremlardan foydalanishning zarurati yo‘q. Juda quruq yuz sohibalari esa kechga yaqin quyuq va ozuqali (yoshga qarshi faol komponentlarsiz, tabiiy birikmalardan tarkib topgan) kremlar yordamida yuzlarini parvarishlashlari zarur. Agar yuz terisi yog‘li bo‘lsa, eng yaxshi parvarish bu- yuzni tozalab nafas olishiga imkon yaratish va ehtiyoj tug‘ilsa, bakteriya yoki shamollashga qarshi vositalardan foydalanish lozim.

6. 30 yoshdan keyin tungi kremlardan foydalanish odatiy holga aylanishi zarur

Bu yoshda teri hujayralari o‘zini tiklashga layoqatsiz bo‘lib qoladi. Tabiatning juda ko‘p salbiy tashqi ta'siri tufayli terining tiklanish mexanizmi ish faoliyati susayadi va shikastlangan hujayralarni “yamash” ga qiynaladi. Shuning uchun teri doim o‘zini tiklashga qiynaladi va tashqi “yordam” ni aynan kechki payt ko‘proq minnatdorlik bilan qabul qiladi. Zero, bu vaqt teri o‘z kuchini quyoshga qarshi uchun yoxud zararli tashqi ta'sir himoyasiga ketkazmay, hujayralar metabolizmi va DNK hujayralarini tiklanishi kabi jarayonlarga faolroq bo‘ladi.

7. Bir tizimdagi kosmetik vositalardan foydalaning

Shundagina ularning tarkibiy qismlari bir-birini to‘ldiradi va ular bir-birini to‘ldiradi. Amaliyotda bu juda oddiy qoida bo‘lib ko‘rinsada, lekin ko‘pchilik bunga nazorat qilmaydi. Shunday ekan, tungi kremni boshqa tizim kosmetikasi, tonik yoki boshqa vositalarni umuman boshqa tizimga tegishlisi bilan aralashtirmang. Tungi kremlarning faol komponentlar tarkibi, odatda kunduzgisiga nisbatan kuchliroq bo‘ladi. Shunga muvofiq tarzda, turli xil kosmetik vositalarning birikmalar mosligi ham shu darajada bo‘ladi.

8. To‘g‘ri uyqu uchun shart-sharoitlar yarating

Juda issiq, havo almashmagan yoki konditsioner ishlayotgan yotoqxonada teri zo‘riqadi va teri hujayralarining tiklanish jarayoni susayadi. Agar yostig‘ingiz noqulay bo‘lsa yoki uyqu vaqti dahaningiz bo‘yningizga haddan ziyod suyansa, bu ikkinchi dahan, ya'ni “baqadahan”ni keltirib chiqaruvchi omildir. Shunday ekan, yotoqxonadagi havo almashinishi (albatta, oynadan chang havo kirmasligi) va sifatli hamda o‘rtacha baladlikdagi yostiq yoshligingiz va chiroyingizni saqlashda yordam beradi.

Bo’lishmoq