Ўзимизни яхши кўра бошлашимиз учун 7 қадам
- Муаллиф: Malika
- Тоифа: Гўзаллик ва саломатлик
- 2016-05-03 16:55:15
- 0
- 0
- 10566
Бахт нима эканлигини тўлиқ ҳис этиш учун ўзимизни ҳурмат қилиш ва яхши кўришни ўрганишимиз керак. Қуйидаги 7 та оддий маслаҳат ўзингизни яхши кўриш борасида бироз илгарилашга ёрдам беради.
- Ўзингиз ҳақингизда фақат яхши нарсаларни гапиринг
Ҳазил ёки киноя маъносида ҳам ўзингиз ҳақингизда ёмон гапларни гапирманг. «Қанақа эси пастман-а, ҳамённи уйда қолдирибман», «Бунча ношудман-а, идишни синдириб қўйдим». Биз тез-тез юқоридаги каби жумлаларни такрорлаб турамиз. Бироқ онг остимиз уни айни ҳақиқат сифатида қабул қилиши ҳақида ўйлаб ҳам кўрмаймиз. Онг остига ҳазил туйғуси хос эмас, шунинг учун у барчасини тўғридан-тўғри қабул қилади. Шу сабабдан ўзингизга нисбатан баҳонгизни тушурмаслик учун ўзингизни ёмонлашдан тилингизни тийинг.
- Доим танқиднинг ўрнини босувчи жиҳатларни топинг
Биз ўзимизни танқид қилишни хуш кўрамиз. Айниқса, ойнага қараган пайтларда. Яхшиси диққат-эътиборимизни устун жиҳатларимизга қаратайлик. Масалан, сочларим сийрак, лекин майин ва чиройли кўринади… Танқид қилиш одатини бутунлай ташлагунча, ҳар бир танқидий қараш учун битта афзалликни топишни ўрганинг.
- Ўзингизни мақтанг
Ҳар куни кечқурун кун давомида қилган яхши ишларингиз учун ўзингизни мақтаб қўйинг. Ҳаттоки, кичик ишлар ва ютуқлар учун ҳам. Мақтов натижасида ўзингизга нисбатан берадиган баҳонгиз ҳам ортиб боради.
- Ўзингиз учун вақт ажратинг
Кун давомида фақат ўзингиз учун ажратишингиз мумкин бўлган вақт топинг, ҳеч бўлмаганда 20 дақиқа. Бунинг натижасида кайфиятингиз сезиларли даражада кўтарилганлигини пайқайсиз.
- Ўзингиз учун пул сарфланг
Бу кўп пул сарфлаш кераклигини англатмайди. Оз-оздан бўлса-да, мунтазам пул ажратинг. Сиз бунга лойиқсиз!
- Ўзингизни парвариш қилинг
Терингизни парвариш қилинг, маникюр, педикюр ва сартарош хизматидан фойдаланинг. Ўзига қараган аёл ўзини доим гўзал ҳис қилишини унутманг!
- Ҳаётингизга севимли ишни киритинг
Бу бирор иш ёки севимли машғулот – хобби бўлиши мумкин. Ўзингизга ёққан соҳа ёки йўналишда ўз имкониятларингизни рўёбга чиқаринг. Бу ўзингизга бўлган муносабатингизни ўзгартиради.
